Atanglei hna hi kan i hmaithlakmi an si…

Upatnak, Tuanvo Laknak, le Himbawmnak 

Kan sianginn mibu chungah zawnruahnak, dinnak le felnak he khat le khat kan i pehtlai lai. Kan tuahmi thil kip ah zuamnak le teimaknak kan ngei lai i kan thiltuahmi cungah tuanvo lak duhnak thinlung zong kan ngei lai. Zaapi caah thinlung le pumsa lei in a himbawmmi hmunhma kan ser lai.      

Khat le Khat Pehtlaihnak le Tuantinak 

Siangngakchia zaate caa an thiam khawhnak ah kan zaate hi tuanvo kan ngei cio tiah kan sianginn mibu chung pakhat cio nih kan i ruah. Rian tuantu, siangngakchia, chungkhar le kan mibu karlak ah a thami pehtlaihnak kan ser lai. Kan siangngakchia pawl kha rammi tha, ca thiammi le lung aa rualmi phu ah an can khawhnak hnga hmun khat te ah ca cawng ti kho dingin siangngakchia a-zen-si (agency) kan ser lai. 

Cohlannak le Dawtnak
Kan sianginn mibu chungah mi zei paoh kha anmah le sining tein cohlan i dawtnak, zawnruahnak le upatnak he kan i pehtlai hna lai. An ruahnak, hmuh ning le an thinlung kal ning kha kan upatpiak hna. Kanmah le midang caah nun nuamhnak le sii thatnak kha kan hmaithlak. 

Tluk Ruannak 

Kan siangngakchia ZAAPI te nih teinak an hmuh khawh nak hnga kan sianginn mibu nih caan tha ser dingah kan i zuam. Nunphung, herhmi le ca cawn ningcang aa dangmi caah aa tlakmi le a dikmi ca cawn kut-tlaih (curriculum) kha kan siangngakchia pawl caah kan ser chuah. Hmual a ngeimi ca chimh ning le ca cawnnak caah a herh ningin kan chimrel i kan tawlrel fawn. 

Thinlung lei Thanchonak 

Kan sianginn ah mibu pakhat kan si bantuk in thazaang chuah in rian kan tuanmi hi a sangbik tuah khawhmi pakhat asi. Caansau a nguhmi, teimami le harnak a tei khomi ca cawnnak kha kan tlamtlinh kan duh.